نماز ارکان اسلام کا مجموعہ ہے
بظاہر نماز اسلام کا ایک رکن ہے لیکن غور کرو تو اس میں سب ارکان جمع ہیں۔
روزہ جو کھانے پینے وغیرہ سے امساک کانام ہے وہ نماز میں موجود ہے؛ کیونکہ تکبیر تحریمہ کے بعد کھانا، پینا تھوڑی مدت کے لیے موقوف ہوتاہے۔
زکوٰۃ سےمقصو د ا یثار اموال ہے۔ نماز میں ایثارثواب ہوتا ہے؛ کیونکہ مسلمانوں کے لیے مغفرت کی دعا کی جاتی ہے۔
حج کے لیے احرام باندھا جاتا ہے، اسی طرح نمازمیں تکبیر تحریمہ ہے۔
جہاد کفار سے جنگ کرنا ہے، نماز میں بھی وضو کرکے جو مؤمن کی زرہ اور ہتھیار ہے میدان صلوۃ میں قیام اور لشکر کثرت کو شکست دے کر بادشاہ وحدت کی فتح و نصرت کی کوشش ہے۔
شیخ حمیدالدین ناگوری کہتے تھے کہ تکبیر مقام ہیبت ہے، قیام مقام قربت، قرأت مقام مکالمہ، رکوع مقام خوف، سجودد مقام مشاہدہ، قعود مقام الفت ومحبت ۔ادریہ سعادت اس شخص کو نصیب ہوتی ہے جس کاآئینۂ دل علائق روزگارسےمصفّٰی اور انوار غیبی سے مجلّٰی ہو۔
For Contact Us
Go to Contact Page
or
Mail:contact@makhdoomashraf.com
Cal:+91-9415721972